Njoftim i Privatësisë

Më tutje në këtë tekst, termat “Banka” dhe “ne” dhe ato që rrjedhin prej tyre i referohen Bankës TURKIYE IS BANKASI A.S. Dega në Kosovë. Termi “ju” dhe ata që rrjedhin prej tij, i referohen përdoruesve të shërbimeve tona/ klientëve tanë.

Ky njoftim i privatësisë ju informon për mbledhjen, përdorimin dhe përpunimin e të dhënave personale nga Banka. Rregullat e paraqitura në këtë njoftim vlejnë për çdo formë të të dhënave, qoftë të ruajtura elektronikisht, në letër apo në ndonjë pajisje tjetër ku ruhen të dhënat.

Banka tregon kujdes të veçantë në mbrojtjen dhe sigurimin e privatësisë dhe të dhënave personale që u takojnë klientëve tanë. Kjo çështje paraqet detyrim ligjor për ne në përputhje me Ligjin Nr. 06/L-082 për Mbrojtjen e të Dhënave Personale dhe aktet tjera juridike. Në kuadër të qasjes sonë për të treguar kujdes maksimal në mbrojtjen e të dhënave personale të klientëve dhe për të vepruar në pajtim me legjislacionin përkatës, ne kemi përgatitur rregullore të detajuara për këtë çështje dhe kemi pranuar parimin e mbrojtjes së të dhënave personale të klientëve tanë në të gjitha praktikat tona. Krahas kësaj, ne kemi përgatitur procedura për t'u siguruar se të gjithë punonjësit tanë shfaqin nivelin më të lartë të kujdesit në këtë çështje.

Të dhënat personale që ruhen në mënyrë automatike ose jo automatike dhe/ ose që shpalosen në mënyrë elektronike nga vizitorët e faqes sonë të internetit, do të përdoren kryesisht për t'i përmbushur kërkesat e tyre dhe më pas për t'iu ofruar shërbime më të mira bankare online. Gjithashtu, në pajtim me Njoftimin e privatësisë së Bankës sonë, ne i kushtojmë kujdes të duhur mbrojtjes dhe sigurimit të të dhënave tuaja personale.

Banka jonë merr masa që ofruesit mbështetës të shërbimeve tona, t'i zbatojnë gjithmonë standardet, kërkesat e privatësisë të Bankës sonë dhe të veprojnë në përputhje me Ligjin Nr. 06/L-082 për Mbrojtjen e të Dhënave Personale dhe aktet tjera juridike.

Në përputhje me këtë, qasja jonë themelore është që t'i mbrojmë të gjitha të dhënat personale që i përkasin Bankës dhe klientëve tanë, nga qasja e paautorizuar, përdorimi i rremë dhe ndryshimi, korruptimi dhe shkatërrimi, si dhe sigurimi i privatësisë, integritetit dhe disponueshmërisë së informatave.

Kur ju i shkëmbeni të dhënat tuaja personale me Bankën tonë, ato do të shfrytëzohen vetëm për shërbimet të cilat ju i keni kërkuar, komunikimin dhe përtërirjen e kontratave tuaja. Ne mund të komunikojmë me ju për reklamimin dhe promovimin e produkteve dhe shërbimeve bankare, financiare dhe të sigurimeve nëse ju jeni në bazën tonë të të dhënave. Ju keni të drejtë që të tërhiqni miratimin tuaj, kur ju nuk dëshironi që të pranoni komunikime elektronike nga Banka jonë. Ju do të hiqeni nga lista jonë e kanalit përkatës, për shembull, duke klikuar vegzën “Ju lutemi klikoni këtu nëse nuk dëshironi që të pranoni ndonjë email nga Banka jonë, për promovimin e produkteve ose shërbimeve të reja.”, të cilën mund ta gjeni në fund të një emaili.

• Të dhënat personale përpunohen në mënyrë të ligjshme, të drejtë, të paanshme dhe transparente, pa e cenuar dinjitetin tuaj;

• Të dhënat personale grumbullohen vetëm për qëllime specifike, eksplicite dhe të ligjshme dhe nuk përpunohen më tej në asnjë mënyrë që nuk është në përputhje me ato qëllime;

• Të dhënat personale duhet të jenë të duhura, relevante, jo të tepërta dhe të kufizuara në qëllimet për të cilat janë mbledhur ose përpunuar;

• Të dhënat personale duhet të jenë të sakta dhe aty ku është e zbatueshme të mbahen të përditësuara. Banka duke pasur parasysh qëllimet për të cilat të dhënat personale janë përpunuar, do të ndërmerr të gjithë hapat e arsyeshëm për të siguruar që ato të dhëna të cilat janë të pasakta, të korrigjohen ose fshihen pa vonesa të paarsyeshme;

• Të dhënat personale mund të ruhen përderisa është e nevojshme për të arritur qëllimet për të cilat janë mbledhur ose përpunuar. Pas arritjes së qëllimit të përpunimit, të dhënat personale duhet të fshihen, hiqen, shkatërrohen, bllokohen ose bëhen anonime, përveç nëse parashihet ndryshe në një ligj tjetër përkatës;

• Të dhënat personale do të përpunohen në atë mënyrë që sigurohet mbrojtja dhe siguria e duhur e të dhënave personale, duke përfshirë mbrojtjen kundër përpunimit të paautorizuar ose të paligjshëm dhe kundër humbjes aksidentale, shkatërrimit ose dëmtimit, duke përdorur masat e duhura të sigurisë për të dhënat personale.

• Nëse ju e keni dhënë pëlqimin për përpunimin e të dhënave tuaja personale, për një ose më shumë qëllime specifike; 

• Nëse përpunimi është i nevojshëm për lidhjen e një kontrate, në të cilën ju dhe Banka jeni palë kontraktuese, ose për të ndërmarrë veprimet lidhur me kërkesën tuaj para lidhjes së kontratës;

• Nëse përpunimi është i domosdoshëm për respektimin e obligimit ligjor, të cilit i nënshtrohet Banka; 

• Nëse përpunimi është i domosdoshëm për mbrojtjen e interesave tuaja jetike ose të personave të tjerë fizikë;

• Nëse përpunimi është i domosdoshëm për kryerjen e një detyre me interes publik ose për ushtrimin e autoritetit zyrtar që i është dhënë Bankës;

• Nëse përpunimi është i domosdoshëm për qëllime të interesave legjitime të ushtruara nga Banka ose pala e tretë, përveç kur këto interesa tejkalohen nga interesat apo të drejtat dhe liritë themelore të subjektit të të dhënave që kërkon mbrojtjen e të dhënave personale, veçanërisht nëse subjekti i të dhënave është fëmijë.

Lloji i të dhënave personale që Banka mbledh dhe përpunon

Banka përpunon të dhënat personale për t’i ofruar shërbimet e veta ose kur kjo kërkohet me ligj. Kategoria e të dhënave personale që do të përpunohen varet nga shërbimet e kërkuara dhe produktet që përdorin klientët tanë. Të dhënat personale që Banka përpunon mund t’iu takojnë kategorive të ndryshme, sikurse paraqiten në listën më poshtë. Mirëpo, kjo listë nuk është kufizuese, pasi klientët tanë mund të përdorin edhe shërbime dhe produkte të tjera të cilat kërkojnë që Banka të përpunojë të dhëna personale shtesë.

Informatat personale:

- Emri dhe mbiemri;

- Data dhe vendi i lindjes;

- Gjinia; 

- Shtetësia;

- Numri personal i identifikimit (Lloji i dokumentit të identifikimit, Autoriteti që e ka lëshuar, Data e lëshimit, Data e skadimit);

- Kopja e dokumenteve personale të identifikimit; 

- Statusi martesor;

- Detaje familjare;

- Të dhëna autentifikimi (shembull i nënshkrimit);

- Fotografi;

- Statusi PEP.

Informatat kontaktuese:

- Adresa e banimit (Adresa e rrugës, Qyteti, Shteti, Kodi postar);

- Adresa e emailit;

- Numrat kontaktues të telefonit;

- Adresa postare (Adresa e rrugës, Qyteti, Shteti, Kodi postar).

Informatat financiare:

- Statusi financiar dhe detaje për të ardhurat;

- Statusi i punësimit dhe punësimi i personave të afërm;

- Historia e kredisë;

- Dokumente për vlerësimin e kredisë;

- Të dhëna nga regjistrat publikë;

- Marrëdhënia me banka të tjera ose kompani financiare;

- Dokumente të biznesit për individë të vetëpunësuar;

- Dokumente pronësore (përshkrimi i pronës, raporti për vlerësimin e pronës, sigurimi kolateral, dokumenta për ndërtimin).

Informatat në lidhje me arsimimin, profesionin dhe punën ose informatat e biznesit:

- Statusi i punësimit;

- Pozicioni dhe vendi i punës;

- Të ardhurat mujore dhe të tjera;

- Përvoja profesionale;

- Arsimimi.

Informatat në lidhje me produktet dhe shërbimet që ne ju ofrojmë:

- Të dhëna nga përmbushja e detyrimeve kontraktuale;

- Detaje të llogarisë bankare;

- Detaje të kartelës së kreditit/ debitit;

- Detaje të transaksioneve dhe historiku;

- Të dhëna që kanë të bëjnë me marrëveshje për autorizim;

- Informacion për çdo palë të tretë përfituese;

- Të dhëna të tjera për përdorimin e produkteve dhe shërbimeve që ofron Banka.

Informatat teknike dhe identifikimi online:

- Regjistrimi i përdoruesit dhe të dhëna për abonim (p.sh. kredencialet për regjistrim për bankimin online);

- Të dhëna për tregtarët që i paguani me kartelën tuaj.

Lloje të tjera të të dhënave personale:

- Imazhe nga kamerat e sigurisë në dhe rreth hapësirës së Bankës.

Nëse e kemi pëlqimin tuaj shprehimisht, mund t’i përdorim edhe disa nga të dhënat tuaja të ndjeshme, varësisht nga natyra e kërkesës suaj, që duhet të kufizohet vetëm në produktet dhe shërbimet tona. Ne mund të kemi të drejtë të përdorim të dhëna të tjera personale nëse është e nevojshme, për të ju ofruar ndonjë produkt ose shërbim tjetër specifik.

• Hapni një llogari dhe/ ose regjistroheni si klient;

• Aplikoni apo përdorni ndonjë nga produktet ose shërbimet tona;

• Përdorni ose shikoni faqen tonë të internetit;

• Vizitoni degët ose zyret tona;

• Kontaktoni me ne përmes kanaleve tona të komunikimit;

• Jepni informacion, me shkrim ose me gojë, përmes e-mail, formularëve të qendrës së kontaktit, kontratave ose kanaleve të tjera të komunikimit.

Banka mund të mbledhë të dhënat tuaja brenda kufijve të lejuar me ligj edhe indirekt nga burime të tjera, përfshirë:

• Regjistra publikë (p.sh. Regjistri Qendror i Kredive, etj.);

• Palë të ndërlidhura (p.sh. punëdhënës, pronarë biznesesh, të afërm ose persona të tjerë);

• Autoritetet publike dhe agjencitë për zbatimin e ligjit.